Tref Caernarfon a Sir Hwlffordd yn cyrraedd Rownd Derfynol Cwpan Ieuenctid FAW

Bydd Tref Caernarfon a Sir Hwlffordd yn cystadlu yn Rownd Derfynol Cwpan Ieuenctid Cymdeithas Bêl-droed Cymru 2024/25 yn dilyn buddugoliaethau cynderfynol yn Park Avenue brynhawn Sul. Y Cofis oedd y cyntaf i ennill, gan sicrhau buddugoliaeth o 3-1 dros dîm o Sir Casnewydd a oedd wedi trechu Briton Ferry Llansawel yn y rownd flaenorol. Parhaodd Hari Lambe o Gaernarfon â'i record drawiadol o rwydo ym mhob rownd o'r gystadleuaeth y tymor hwn trwy agor y sgorio yn y 22ain munud, ond daeth Cameron Egan yn gyfartal i Gasnewydd yn ystod yr hanner awr gyntaf. Fe wnaeth Harri Wyn adfer mantais y Cofis bum munud i mewn i'r ail hanner, cyn i Owen Roberts selio buddugoliaeth gyda chwe munud yn weddill.